ಜಿಟಿ ಜಿಟಿ ಮಳೆ
ರಸ್ತೆಯೆಲ್ಲಾ ಕೆಸರು ಕೊಚ್ಚೆ
ಮನಸ್ಸೆಲ್ಲಾ ರಾಡಿ
ಯರೋ ಹೇಳಿದ ನೆನಪು
ನದಿಗೆ ನೆನಪಿನ
ಹಂಗಿಲ್ಲವಂತೆ
ಮಳೆಗಾಲದಲ್ಲಿ ತುಂಬಿದ
ಹರಿವು ನದಿಗೆ
ನೋವು ನಲಿವೆಲ್ಲಾ ಒಂದೇ
ಸೆಳೆವಲ್ಲಿ ಕೊಚ್ಚಿ ಹೋದ
ಕನಸುಗಳು ಇನ್ನೂ
ಕನಸುಗಳಾಗಿಯೇ ಉಳಿದಿವೆ
ಸುಳಿಗೆ ಸಿಕ್ಕಿ ಮುಳುಗಿದ
ಮನಸುಗಳು
ಯಾರ ಲೆಕ್ಕಕ್ಕೂ ಸಿಕ್ಕಿಲ್ಲ
ನೆನಹುಗಳಿಂದ ತೊಯ್ದ
ತಟಗಳಲ್ಲಿ ಇನ್ನೂ
ಯರೋ ಕುಳಿತಿರುವಂತೆ..
ನಿಜ, ನದಿಗೆ ನೆನಪಿನ
ಹಂಗಿಲ್ಲ, ಆದರೆ;
ನನಗೂ ನಿನಗೂ ಇದೆ.
ಕಡಲ ಸೇರಿ ಸಿಹಿ ನೀರು
ಉಪ್ಪದಾರೂ, ಮುಪ್ಪಾದರೂ
ನೆನಪು ಚಿರಂಜೀವಿ
ನೆನೆವ ಮನದಲ್ಲಿ
ಮುಚ್ಚಿದ ರೆಪ್ಪೆಗಳೆಡೆಯಲ್ಲಿ
ನದಿ ಹರಿಯುತ್ತಲೇ ಇದೆ.
ನದಿಗೆ ನೆನಪಿನ ಹಂಗಿಲ್ಲ, ನಿಜ
ಆದರೆ...
