ಸಮೀಕರಣ

ಸ್ನೇಹಿತರಾಗಿದ್ದೆವು ಈ ಮೊದಲು

ನಾನೂ ನೀನೂ

ಆದರೆ,

ಈ ಸಂಬಂಧಗಳ ಸಮೀಕರಣ

ಬದಲಾಗಲು ಜಾಸ್ತಿ

ಸಮಯ ಬೇಕಿಲ್ಲ

ಮೊದ ಮೊದಲು ಬಾವಗಳ

ಗುಣಾಕಾರ, ಕನಸುಗಳ ಕೂಡಿ

ಮುಂದಿನ ವಾರ

ಮತ್ತಿನ ತಿಂಗಳಲ್ಲೋಮ್ಮೆ

ಕಳೆದ ಸಮಯ; ನಡುವೆ

ಲೆಕ್ಕಕ್ಕೆ ಸಿಗದೆ ವ್ಯತ್ಯಯ

ಸಣ್ಣ ಪುಟ್ಟ ದಶಾಂಶಗಳೆಲ್ಲಾ

ಸೇರಿ, ಒಟ್ಟಾದ ಮೊತ್ತ

ಮುನಿಸು.

ಈಗಲೂ ಬದಲಾಗುತ್ತಿವೆ

ಸಮೀಕರಣಗಳು

ಮೊದಲಿನಂತೆಯೇ;

ಅಂದು ಕೂಡಿದ್ದೆವು

ಇಂದು ಕಳೆದಿದ್ದೇವೆ

ಅಷ್ಟೇ...!!!

ಮತ್ತೆ ಇನ್ಯಾರೋ ಹೋಸಬರು

ಅದೇ ಹಳೇ ಸಮಿಕರಣಗಳನ್ನು

ಗೀಚುತ್ತಾರೆ,,,

ತಮ್ಮ ಮನದ ಹಾಳೆಯಲ್ಲಿ;

ಏನೋ ಸಾಧಿಸ ಹೊರಟವರಂತೆ

ಹೊಸತಾಗಿ...

ಪಾಪ ! ಅವರಿಗೆನು ಗೊತ್ತು

ಸಂಬಂಧಗಳ ಸಮೀಕರಣ

ಬದಲಾಗುತ್ತಿರುತ್ತದೆಂದು??!!

ಅವರೂ ಅಷ್ಟೇ

ಇಂದು ಕೂಡಿದ್ದಾರೆ

ನಾಳೆ ಕಳೆಯುತ್ತಾರೆ...