ಬೊಗಸೆಯಲ್ಲಿ ಮಳೆ

ಹಿಡಿದಿಡಲಾಗದು ಎಕೋ ಎನೋ..

ಬೊಗಸೆಯಲ್ಲಿ ಮಳೆಯನ್ನು

ಕಣ್ಣಲ್ಲೇ ತುಂಬಿಕೊಳ್ಳುತ್ತೇನೆ

ಮಳೆಗಾಲದ ಆ ದಿನಗಳ

ಮತ್ತೆ ಮಳೆ ಬರಲು

ಕಂಬನಿಗಿಲ್ಲ ಯಾವ ಅಣೆಕಟ್ಟೂ

ಜಾರುತ್ತದೆ ಮಳೆ ಹನಿ

ಕೆನ್ನೆ ಮೇಲೆ, ಬೆಚ್ಚಗೆ

ಈ ಬಾರಿಯ ಮೊದಲ ಮಳೆ

ಮಣ್ಣ ಕಂಪ ಜೊತೆಗೆ ತಂದಿದೆ..

ಬದುಕು ಬೆದರುತ್ತದೆ

ನೆನಪ ಹನಿಗಳಿಗೆ

ನೆಲಕೆ ತಾಕದಂತೆ ಆ ಹನಿಗಳು

ಮತ್ತೆ ಕೈ ಚಾಚುತ್ತೆನೆ

ತಿಳಿದಿದೆ ನನಗೆ, ಬೊಗಸೆಯಲ್ಲಿ

ಮಳೆಯನ್ನು ಹಿಡಿದಿಡಲಾಗದೆಂದು

ಆದರೂ ಬೊಗಸೆಯೊಡ್ಡುತ್ತೇನೆ

ಏಕೋ, ಏನೋ..?!!