ಮತ್ತೆ ಮಳೆ ಹೊಯ್ಯುತಿದೆ..

ಮತ್ತೆ ಮಳೆ ಹೊಯ್ಯುತಿದೆ

ಕೈಗೆಟಕದ ಆಗಸದ ಅಂಚಲಿ

ಕಾಮನಬಿಲ್ಲು ಮುಡುತಿದೆ

ಕೆಸರ ಮೆತ್ತಿದ ಮಣ್ಣ ರಸ್ತೆ

ಹೆಜ್ಜೆ ಗುರುತ ಮರೆಸಿದೆ

ಮನದ ನೋವ ಕಲಸಿದೆ

ಕಣ್ಣಂಚಿನ ಕಟ್ಟೆ ಒಡೆಯೆ

ಕೆಲ ಹನಿಗಳು ಕಾದಿವೆ

ಮತ್ತೆ ಮಳೆ ಹೊಯ್ಯುತ್ತಿದೆ..

ಊರ ನದಿಯ ತಟದ ಬಂಡೆ

ಕಾಣದಂತೆ ಮುಳುಗಿದೆ

ನಿನ್ನ ನೆನಪ ಮರೆಸಿದೆ

ಮಳೆ ಹನಿಯ ತಂತುರು ನಾದಕೆ

ನೆನಪು ಎಕೋ ಕೆರಳಿದೆ

ಮತ್ತೆ ಹೂವು ಅರಳಿದೆ

ಎದೆಯೊಳಗಿನ ನೋವ ಮಡುವು

ದುಮ್ಮಿಕ್ಕಿ ಇಂದು ಹರಿದಿದೆ

ಮತ್ತೆ ಮಳೆ ಹೊಯ್ಯುತ್ತಿದೆ...